睇完基斯杜化·諾蘭《奧德賽》，內心震撼到久久未平靜。呢部戲絕對唔止一部宏闊神話史詩，更係一次對人性最深徹嘅宣讀。飄泊與誘惑、怯懦與執守、創傷與歸途，全部交織在奧德修斯長達十年嘅漫漫返鄉路上。 [爱心]二十幾年前已經好鍾麥特·戴蒙，沉迷《叛諜追擊》入面冷靜沉穩、忍辱前行嘅伯恩，亦深深被《心靈捕手》那份破碎又真摯嘅赤子之心打動。今次佢演繹奧德修斯，將英雄背後普通人嘅無力、掙扎同執著，演繹得淋漓盡致。[爱心]一直都好鍾安妮·夏菲維。由《走佬俏公主》陽光純真、慢慢成長嘅少女，到《悲慘世界》深情又刻骨嘅演繹，一路見證佢演技沉澱。今次飾演潘妮洛普，將漫長等待入面女性嘅溫柔、堅韌同從容，拍出極強嘅力量感。 [太阳]今次仲有超大驚喜，見到賀蘭弟同森黛雅同台出演。由蜘蛛俠系列一路走到今次宏大史詩，老、少實力派演員聚跨越時代嘅演技碰撞，睇得好過癮。 [啤酒]真係好佩服導演諾蘭。用菲林鏡頭，將千年古老神話拉返去真實人間。所謂英雄與傳奇，剝開外殼，講嘅都係凡人嘅慾望、磨難與初心。 [咖啡]人生所有遠航，終究都係為咗找回自己。非常值得入戲院靜心細味🎬